GHAZAL URDU- POETRY

عشق کے نام پہ خیرات بھی لے لیتے ہیں

یہ وہ صدقہ ہے جو سادات بھی لے لیتے ہیں

مشکلوں میں مرے پلنے پہ تعجب کیسا
جڑ سے تھوڑی سی نمو، پات بھی لے لیتے ہیں

یہ جو آتے ہیں تجھے روز دلاسا دینے
باتوں باتوں میں تری بات بھی لے لیتے ہیں

دشت میں آئے ہیں تو، قیس سے بھی ملتے چلیں
خضرِ صحرا سے ہدایات بھی لے لیتے ہیں

صرف گھر تک ہی نہیں گوشہ نشینی اپنی
میلوں ٹھیلوں میں اسے ساتھ بھی لے لیتے ہیں

ان دنوں شعر میں بھی شعبدہ بازی ہے بہت
بعض تو اوروں کی خدمات بھی لے لیتے ہیں

      
رانا سعید دوشی 
           ـ             


ISHQ K NAM PE KHAIRAT B LAY LAYTAIN HAIN
YAE WO SADQA HAY JO SAADAAT B LAY LAYTAY HAIN

MUSHKILON MAY MERAY PALNAY PE TA'AJJUB KAISA
JAD SAY THORI SI NAMO PAAT B LAY LAYTAY HAIN

YAE JO AATAY HAIN TUGHE ROZ DILAASA DAYNA
BATON BATON MAY TERI BAAT B LAY LAYTAY HAIN

DASHT MAY AAYAE HAIN TO QAIS SAY B MILTAY CHALAIN
KHIZER E SEHRA SAY HIDAYAAT B LAY LAYTAY HAIN

SIRF GHAR TAK HE NAHI GOSHA NASHEENI APNI
MILON THELOON MAY USAY SATH B LAY LAYTAY HAIN

IN DINON SHER MAY B SHOBDA BAAZI HAY BOHOT
BAAZ TO ORON KI KHIDMAAT B LAY LAYTAY HAIN