Gulistan-e-Adab

دل میں وہ مہربان رہتے ہیں  ہم جبھی شادمان رہتے ہیں یا سرِ دار یا سرِ نیزا عشق کے قدر دان رہتے ہیں کیا مری خامشی بھی بولتی ہے؟  کیوں کھڑے سب کے کان رہتے ہیں قبر میں اپنے قتل پر نازاں آپ کے کشتگان رہتے ہیں دیکھ کر میری خوش بیانی کو دنگ اہلِ زبان رہتے ہیں جانِ جاں عشق داغ دار نہ ہو ہم زرا ساودھان رہتےہیں عشق بستی میں قیدِ عمر نہیں اس میں پیر و جوان رہتے ہیں سازِ پُر سوزِ زندگانی میں  کتنے سُر اور تان رہتے ہیں اے خدا سر زمین پر تیری کتنے مطلق عنان رہتے ہیں کچھ نہ کچھ گنگانے میں مصروف وہ لبِ ارغوان رہتے ہیں مٹ بھی جائے جو دردِ ناخنِ ہجر "دل پہ باقی نشان رہتے ہیں" وسیم عباس حیدری

ہم تو خوش تھے کہ چلو دل کا جنوں کچھ کم ہے اب جو آرام بہت ہے تو سکوں کچھ کم ہے رنگ گریہ نے دکھائی نہیں اگلی سی بہار اب کے لگتا ہے کہ آمیزش خوں کچھ کم ہے اب ترا ہجر مسلسل ہے تو یہ بھید کھلا غم دل سے غم دنیا کا فسوں کچھ کم ہے اس نے دکھ سارے زمانے کا مجھے بخش دیا پھر بھی لالچ کا تقاضا ہے کہوں کچھ کم ہے راہ دنیا سے نہیں دل کی گزر گاہ سے آ فاصلہ گرچہ زیادہ ہے پہ یوں کچھ کم ہے تو نے دیکھا ہی نہیں مجھ کو بھلے وقتوں میں یہ خرابی کہ میں جس حال میں ہوں کچھ کم ہے آگ ہی آگ مرے قریۂ تن میں ہے فرازؔ پھر بھی لگتا ہے ابھی سوز دروں کچھ کم ہے احمد فرازؔ

ابنِ آدم تو میرے حق میں دعا رہنے دے اس تماشے کو حقیقت سے جدا رہنے دے اس یہ غصے کی ادا اور حسیں لگتی ہے میرے روٹھے ہوئے ساتھی کو خفا رہنے دے ایاز حسین تاثیرؔ

دل نے کیا ہے قصد سفر گھر سمیٹ لو جانا ہے اس دیار سے منظر سمیٹ لو آزادگی میں شرط بھی ہے احتیاط کی پرواز کا ہے ازن مگر پر سمیٹ لو حملہ ہے چار سو در ودیوار شہر کا سب جنگلوں کو شہر کے اندر سمیٹ لو بکھرا ہوا ہوں صرصر شام فراق سے اب آ بھی جاؤ اور مجھے آ کر سمیٹ لو رکھتا نہیں ہے کوئی نگفتہ کا یاں حساب جو کچھ ہے دل میں اسکو لبوں پر سمیٹ لو جون ایلیا

یقینن اس میں کوئی مصلحت تھی وہ یوں اس شہر سے ہجرت نہ کرتے ایاز حسین تاثیرؔ                                                                                                        

جو بندگی میں تیرا زکر با اثر نکلا اسی لئے تو خیالوں سےبالاتر نکلا میں اجنبی میں رہا ڈھونڈتا ہوا دشمن مگر وہ میرے قبیلے کا معتبر نکلا وہ قطرہ ہو کہ سمندر ہو خونِ دل کا مگر جو نکلا آنکھ سے جب بھی تو آنکھ بھر نکلا عقیقِ حسن اداوْں کا کاراواں لے کر وہ رہزنوں سے بیاباں کے بے خبر نکلا جبیں پہ داغِ محبت لئے وہ راتوں میں خمارِ عشق میں جلوہ نما قمر نکلا رموزِ عشق تو اٹھتے ہیں نوکِ نیزا پر وہ بولتا ہوا سر عشق کا سِپر نکلا

نمی کم ہورہی ہے اِس ہوا میں خزاں میں عشق کے پتے جڈھیں  ہمارے دل کی صحرائی زمیں سے وہ اندازً ابھی ہجرت کریں گے ایاز حسین تاثیرؔ